Begandring.com: Surabaya (27/11/23) – Komunitas duduk sembarang komunitas, opo maneh lek gak Begandring Soerabaia, sawijining komunitas sing getol ngramut ambek ngrumat sejarah ambek budoyo Suroboyo. Pokal gawene Begandring mesthi nggarai horeg’e Suroboyo, kuto sing dienggoni macem macem etnis sing akehe meh telung juta jiwo.
Dino Senin, 27 Nopember 2023, Begandring Soerabaia kasil mboyong penghargaan anyar. Yoiku Anugerah Komunitas Penggerak Terdepan detikJatim awards 2023 kategori Pelestarian Sejarah lan Cagar Budaya.
Serah terima ne nang kuto Batu. Sing nekani onoknGubernur Jawa Timur, khofifah Indar Parawansa ambek Walikota Suroboyo, Eri Cahyadi.
Begandring entuk penghargaan iki mergo Komunitas iki wis dianggep akeh kontribusine nok bab ngramut ambek ngrumat sejarah termasuk cagar budaya. Makili Begandring Soerabaia yoiku Kuncarsono Prasetyo, sing kedapuk nrimo Penghargaan Detik Jatim Awards 2023. Kepolo Redaksi detikJatim, Budi Hartadi, nyerahno penghargaan iku.
Jare Kuncarsono iki bagian tekok kampanye bareng sing tujuane nylametno warisan budoyo. Anugerah Komunitas Penggerak Terdepan detikJatim awards 2023 kategori Pelestarian Sejarah lan Cagar Budaya iki njangkepi penghargaan penghargaan sing wis ditrimo Begandring sadurunge.
Akhire nok taon 2023 Begandring Soerabaia kasil nrimo penghargaan molai tekok Tingkat Kota, Tingkat Provinsi, Tingkat nasional sampek Tingkat Internasional. (nanang)